Ерлер арасындағы XXVI ҚР чемпионаты - Ұлттық лига
Каспий
Ақтау
Ұлттық лига, Плей-офф 1/2 финалы
11.04.2018, 20:00 Ср
Арена: СК «Батыр» (Ақтау)
67:86
Негізгі уақыт
22:16 10:31 21:25 14:14
Ойын нөмірі:
Көрермен: 0
Астана
Астана

«Астана» – Ұлттық лиганың финалында!

12.04.2018, 09:00    Просмотров: 13
Источник: Баспасөз қызметі
Автор: Альмира Шахаева
Ерлер арасындағы Ұлттық лиганың жартылай финалдық додасы Ақтауда жалғасып, Каспий жағасында өткен үшінші ойын да елорда клубының жеңісімен аяқталды.

Алаң иелері намысты қолдан бермеуге тырысып, «Астанамен» тайталасып бақты. Тіпті бірінші онминуттықта басым түсті де (22:16). Алайда екінші кезеңде елорда клубы қарқынын үдетіп, көсіле сілтеп, +15 ұпай айырмасымен алға шықты. Қалған екі кезең де «Астананың» басымдығымен өтіп, алаң иелері еш өзгеріс енгізе алмады. Бұл кездесу 67:86 есебімен аяқталып, «Астана» клубы, яғни қонақтар жеңіске жетті. Елорда баскетболшылары бұл жұпта үш рет жеңіске жетіп, финалға шықты.    

Бұл матчта нәтижелі ойын үлгісін көрсеткен Александр Жигулин болды, оның еншісінде – 16 ұпай. Энтони Клеммонс пен Рустам Мырзағалиев команда қоржынына 14 ұпайдан салды.

Енді, «Каспий» БК Қазақстан чемпионатының қола жүлдесін Қостанайдың «Тобылымен» сарапқа салады. Ал «Астана» финалда «Атырау Барыстары» командасымен додаға түседі. Финалдық ойындар 25 сәуір күні Астанада басталады.

 
«Астана» келесі кездесуін де түзде өткізеді. Елорда баскетболшылары 18 сәуір күні Қазанға барып, Татарстан астанасында жергілікті УНИКС клубымен ВТБ Бірыңғай лигасы аясындағы кезекті кездесуін өткізеді.

Қарсылас жайлы мәлімет

Құлылған жылы: 2008 Клубтық түстері: ақ, көк
Мемлекет: Қазақстан Арена: СК «Каспий»
Қала: Ақтау Сайт: www.bccaspiy.kz

Сипаттамасы

«Каспий» – Қазақстанның ерлер арасындағы кәсіпқой баскетбол клубы, Ақтау қаласынан.

«Каспий» баскетбол клубы 2008 жылы сәур айында Маңғыстау облыстық Дене шынықтыру және спорт басқармасы мен Маңғыстау облысы әкімдігінің қолдауымен құрылған.

Жетістіктері:
  • Қазақстан чемпионатының қола жүлдегері: 2011/2012, 2012/2013, 2013/2014, 2014/2015, 2016/2017
  • Қазақстан кубогының қола жүлдегері: 2012, 2013, 2017