Ерлер арасындағы XXVI ҚР чемпионаты - Ұлттық лига
Астана
Астана
Ұлттық лига, Плей-офф 1/2 финалы
04.04.2018, 19:30 Ср
Арена: Велотрек «Сары-Арқа» (Астана)
104:60
Негізгі уақыт
34:21 26:13 22:14 22:12
Ойын нөмірі:
Көрермен: 0
Каспий
Ақтау

Ұлттық лиганың жартылай финалында «Астана» алға шықты

04.04.2018, 23:00    Просмотров: 141
Источник: Баспасөз қызметі
Автор: Альмира Шахаева
Ерлер арасындағы Ұлттық лиганың жартылай финалдық додасында бірінші ойын өтіп, елорда клубы мен Ақтаудың «Каспий» командасы кездесті.
 
Есепті алаң иелері ашты. Қонақтар да қарап қалмады. Әрі әрбір шабуылдарын сәтті аяқтап, қоржындарына ұпай салып отырды. Әйтсе де, бірінші кезеңнің ортасына қарай елорда командасы +10 ұпай айырмасымен қара үзіп кетті. Әрі бұл басымдықтарын ойынның алғашқы кезеңі аяқталғанша сақтап қалды (34:21). Екінші кезең де астаналықтардың үстемдігімен өтті. «Астана» әрбір шабуылы, әрбір соққысы сайын ұпай айырмасын ұлғайта берді. Мұны екінші кезеңнен кейінгі ойын нәтижесінен де байқауға болады – 60:34. Үшінші кезеңде қонақтар тайталасып бақты. Бірақ алаң иелері олардың көсіле шабуларына мүмкіндік бере қоймады. Соңғы кезеңде Михаила Карпенконың командасы ойын тізгінін өз қолдарында ұстап, үстемдік танытты. Матч 104:60 есебімен аяқталып, «Астана» жартылай финалдық додада алға шығып, 1 ұпай олжалады.

Ойынның ең үздік ойыншысы Леонидас Каселакис болды, оның еншісінде – 17 ұпай. Ал Рустам Мырзағалиев 14 ұпай еншіледі.

 

Ертең Астанада осы командалардың екінші кездесуі өтеді. Матчтың басталуы Астана уақытымен – 19:30-да.

Естеріңізге сала кетейік, жартылай финалдық дода үш жеңіске дейін созылады.

Қарсылас жайлы мәлімет

Құлылған жылы: 2008 Клубтық түстері: ақ, көк
Мемлекет: Қазақстан Арена: СК «Каспий»
Қала: Ақтау Сайт: www.bccaspiy.kz

Сипаттамасы

«Каспий» – Қазақстанның ерлер арасындағы кәсіпқой баскетбол клубы, Ақтау қаласынан.

«Каспий» баскетбол клубы 2008 жылы сәур айында Маңғыстау облыстық Дене шынықтыру және спорт басқармасы мен Маңғыстау облысы әкімдігінің қолдауымен құрылған.

Жетістіктері:
  • Қазақстан чемпионатының қола жүлдегері: 2011/2012, 2012/2013, 2013/2014, 2014/2015, 2016/2017
  • Қазақстан кубогының қола жүлдегері: 2012, 2013, 2017