Ерлер арасындағы XXVI ҚР чемпионаты - Ұлттық лига
Атырау Барыстары
Атырау
Ұлттық лига, Тұрақты біріншілік
05.02.2018, 19:00 Дс
Арена: АМУ Х. Досмұхамедов атындағы (Атырау)
84:89
Негізгі уақыт
12:20 19:29 23:22 30:18
Ойын нөмірі: 15
Көрермен: 100
Астана
Астана

«Астана» түздегі бірінші ойында «Барыстарды» жеңді

06.02.2018, 10:00    Просмотров: 47
Источник: Баспасөз қызметі
Автор: Альмира Шахаева
«Астана» және «Атырау Барыстары» командалары ерлер арасындағы Қазақстан чемпионатының Ұлттық лигасы аясындағы екі ойынның біріншісін өткізіп, көрермендерді қызыққа бөледі.
 
Ойын аса тартысты өтті. Атырау командасы осал ұжым емес, лайықты деңгейде қарсылық көрсете білді. Есепті алаң иелері ашқанымен, «Астана» көп күттірмей, ойын тізгінін өз қолына алды. Бірінші кезең 12:20 есебімен аяқталып, елорда баскетболшылары алға шықты. Ал екінші онминуттықта ұпай айырмасы 20-дан асып жығылды. Сөйтіп, ойынның бірінші жартысы 31:49 есебімен аяқталып, «Астана» басымдық танытты. Үлкен үзілістен кейін алаң иелері есепті теңестіруге тырысты, бірақ «Астана» олардың ырқына көне қоймады. Әйтсе де, соңғы кезең шектен тыс тартысты өтті. «Барыстар» көсіле шауып, есепті 3 ұпайға дейін қысқартты. Алайда қонақтардың бағы басым болды. Жеңісті 84:89 есебімен «Астана» «өңгеріп» кетті.

Статистика: Антон Пономарев – 17 ұпай, Александр Жигулин және Леонидас Каселакис – 15 ұпайдан.

Бүгін, 6 ақпан күні екі команда арасындағы екінші ойын өтеді. Өтетін жері: Х.Досмұхамедов атындағы Атырау мемлекеттік университеті залы. Басталу уақыты – сағат 19:00-де. Матчтың онлайн-трансляциясы біздің сайтта.

Қарсылас жайлы мәлімет

Құлылған жылы: 2005 Клубтық түстері: ақ, жасыл
Мемлекет: Қазақстан Арена: АМУ Х. Досмұхамедов атындағы
Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

«Атырау Барыстары» баскетбол клубы 2003 жылы құрылды. Бұған 2001 жылы Атырау облыстық баскетбол федерациясының құрылуы ұйытқы болды. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Жетістіктері:
  • Қазақстан чемпионатының жеңімпазы: 2010/2011, 2015/2016
  • Қазақстан чемпионатының күміс жүлдегері: 2011/2012, 2012/2013, 2013/2014
  • Жоғары лигасының жеңімпазы: 2014/2015
  • Қазақстан кубогының иегері: 2009
  • Қазақстан кубогының күміс жүлдегері: 2010, 2011, 2012, 2016, 2017