ВТБ Бірыңғай лигасы 2017/2018
Астана
Астана
ВТБ Бірыңғай лигасы, Тұрақты біріншілік
04.03.2018, 18:00 Жс
Арена: Велотрек «Сары-Арқа» (Астана)
77:59
Негізгі уақыт
19:27 13:6 25:12 20:14
Ойын нөмірі: RS-96
Көрермен: 1577
Цмоки-Минск
Минск

«Беларусь айдаһары» Астанаға ұшып келеді

03.03.2018, 12:00    Просмотров: 110
Источник: Баспасөз қызметі
Автор: Альмира Шахаева
Ертең, 4 наурыз күні, елорда баскетбол клубы ВТБ Бірыңғай лигасы аясындағы кезекті ойынын өз алаңында өткізіп, Беларусь Республикасының «Цмоки-Минск» клубын қабылдайды.
 
«Цмоки-Минск» – Беларусь елінің ерлер арасындағы кәсіпқой баскетбол клубы, Минск қаласынан, 2006 жылы құрылған. ВТБ Бірыңғай лигасынан бөлек, Еуропаның FIBA кубогында бақ сынайды.

Жетістіктері:
  • Беларусь Республикасының чемпионы – 2009-2016
  • Беларусь кубогының жеңімпазы – 2010-2016
Өткен кездесулер хроникасы:
Минск қаласының баскетбол клубы ВТБ Бірыңғай лигасында 2010 жылдан бері ойнайды. Қазақстан клубы Минск командасымен алаңда 9 рет кездескен. Оның үшеуінде астаналықтар Беларусь чемпионынан басым түсті. Бірақ биылғы маусымда «Астана» «айдаһарлармен» Минск аренасында кездесіп, 66:75 есебімен жеңілістің кермек дәмін татқан болатын. 

Қазіргі жағдай:
Міне, екі жыл болды, клубты өз елінің отандық маманы Александр Крутиков жаттықтырып жүр. Сонымен қатар, ол Беларусь Республикасының ұлттық құрамасын да баптайды. Команданың көшбасшыларының бірі – америкалық қорғаушы Девон Саддлер. Әрі ол осы елдің азаматтығын алған, Беларусь құрамасының намысын қорғайды. Саддлер ВТБ лигасында команда қоржынына орта есеппен 13 ұпайдан салып жүр. Айта кетуіміз керек, «Цмоки-Минск» баскетболшылары – Беларусь ұлттық құрамасының негізін қалайтын, белді ойыншылары.
 
Турнир кестесі:
«Цмоки-Минск» баскетбол клубы «Астанамен» және Риганың ВЭФ клубымен бір орынды бөлісіп тұр деуге болады. Осы үш команданың ойындары мен жеңістерінің ара қатынасы – бірдей. Бұл әр команда ВТБ лигасының плей-офф сатысына шығу үшін өзара кездесулерде аянбай, бар күш-жігерін салатындығын білдіреді. 
  
«Астана» БК бас бапкері міндетін атқарушы Михаил Карпенконың пікірі:
– Бұл біз үшін өте маңызды матч. «Цмоки-Минск» командасы – плей-офф сатысына шығу үшін, бізбен бір орынға таласып жатқан негізгі бәсекелесіміз. Мұны бәріміз де білеміз, біз де, қарсыласымыз да жақсы түсінеді. Яғни екеуара кездесу шектен тыс шиеленісті болады. Турнир кестесіндегі жағдайымызды біршама түзеп алу үшін олар да, біз де бар күшімізді салып, барлық айла-тәсілдерімізді қолданатын боламыз. Минск командасына келер болсақ, олар да – тура біз сияқты жағдайда. «Цмоки» де өз елінің ұлттық құрамасының негізін қалайтын клуб, сонымен қатар бас бапкері Александр Крутиков те құрама команданы жаттықтырады. Айта кетуіміз керек, Беларусь құрамасы екінші іріктеу сатысындағы ойындарын аса жоғары деңгейде өткізді. Испания құрамасымен тайталасып, жеңілсе де, намысты қолдан берген жоқ. Әрі Еуропаның қазіргі чемпионы Словения құрамасын жеңіп кетті. Сондықтан, эмоциялық тұрғыда Минск ойыншыларының көңілдері көтеріңкі болады. Оның үстіне, команданың көшбасшыларының бірі Девон Саддлер осы елдің азаматтығын алған, ұлттық құрамасы сапында ойнайды. Басқа жағынан, бірдейміз, біздің де, қарсыласымыздың да жеңістеріміздің саны бірдей. Біз бірдей жағдайдамыз, әрине, тек жеңіске жетуге тырысамыз. Бірінші кезекте, бізге олардың көшбасшыларын тұсаулап ұстау керек. Олар – әлгі сол Саддлер, өте тәжірибелі сұрмерген Кудрявцев, Кравиш және Черапович. Мүмкіндігіміз мол және жоғары, егер біз жаттығу жұмыстары кезіндегі өз жоспарларымызды толықтай жүзеге асырып, орындай алсақ, онда жеңіске жете аламыз деп ойлаймын.

Қайда, қашан, нешеде?
Арена: «Сарыарқа» республикалық велотрегі
Уақыт: 18.00 Астана уақыты бойынша
Трансляция: ВТБ Бірыңғай лигасының сайты, «Астана» БК сайты, «QazSport» телеарнасы.

«Астана» Минск «айдаһарларын» жеңді

04.03.2018, 23:00    Просмотров: 108
Источник: Баспасөз қызметі
Автор: Альмира Шахаева
Бірінші минуттан бастап «Цмоки» алға қарай лап қойып, ұпай еншілей бастады. Команданың сұрмергені Саддлер «Астанаға» мүмкіндік беретін емес. Бірінші онминуттық қонақтардың жеңісімен аяқталды – 19:27. Екінші кезеңде алаң иелері өз қателіктерін түзеді. Тура соққылар, қорғаныста мұқият ойнау, жоғары қарқын «Астанаға» қарсыласын қуып жетуге көмектесті. Бірақ екінші кезең де қонақтардың басымдығымен тәмамдалды – 32:33.

Үлкен үзілістен кейін астаналықтар ерекше құлшыныспен шықты. Леонидас Каселакис пен Ике Удано нәтижелі ойын өрнегін көрсетті. Соңғысы өзінің сүйікті данктерімен көрермендерді қуанышқа бөледі. Үшінші кезеңнің аяғына қарай «Астана» +12 ұпай айырмасымен алға шықты. Ойының үшінші бөлігі 57:45 есебімен аяқталып, «Астана» үстемдік танытты. Соңғы кезең қай команданың қарымды екенін көрсетті. Кездесу 77:59 есебімен аяқталып, «Астана» жеңіске жетті.


Ең көп ұпай еншілегендер:
  • «Астана»: Леонидас Каселакис (16 + 7 рет доп қақшып алды), Ике Удано (14 + 14 рет доп қақшып алды), Джастин Картер (12) және Ларри Гордон (12).
  • «Цмоки-Минск»: Девон Саддлер (11), Джастин Грэй (11).

«Астана» БК бас бапкері м.а., Михаил Карпенко:
- Бүгін биылғы маусымдағы ең үздік қолдау көрсетілген матч болды – жанкүйерлерге рахмет! 8 наурыз қарсаңында, біз бұл жеңісімізді барлық қыздарға арнаймыз! Әрине, біз ойын басында тым күйгелектікке салындық. Ойын үстіндегі үзілістер де әсер ете қоймады – біз ойын ырғағын сезіне алмадық. Матчтың бірінші жартысында жай ғана қорғанумен болдық. Жанкештілік танытып, батылырақ қимылдай бастап едік, жағдай бірден өзгеріп сала берді. 15 ұпай айырмасын қысқартып, тіпті қуып та жеттік. Кездесудің бірінші жартысын тең дәрежеде аяқтадық. Үзіліс кезінде қарқынымызды бәсеңсітпеуді баса айтып, одан да батылырақ ойнауды тапсырдым. Мұның бәрі жүзеге асты, мен ойыншыларыма ризамын.

«Цмоки-Минска» бас бапкері, Александр Крутиков:
- Мен алаң иелерін құттықтаймын, біз ойынның екінші жартысын өте төмен деңгейде өткіздік. «Астана» жеңіске лайық болды.

 

«Астана» келесі ойындарын өз алаңында өткізеді. 5-7 наурыз күндері елордада баскетболдан ерлер арасындағы жыл сайынғы Қазақстан кубогы өтеді.

Ал ВТБ Бірыңғай лигасы аясындағы келесі ойынын да «Астана» өз жерімізде өткізіп, 11 наурыз күні елорда баскетболшылары өз алаңында Мәскеу облысының «Химки» клубымен қабылдайды.

Қарсылас жайлы мәлімет

Құлылған жылы: 2006 Клубтық түстері: ақ, көк
Мемлекет: Белоруссия Арена: Falcon Club
Қала: Минск Сайт: www.bc-tsmoki.by

Сипаттамасы

«Цмоки-Минск» – беларустің ерлер арасындағы кәсіпқой баскетбол клубы, Минск қаласынан.

Жетістіктері:
  • Беларусь чемпионы – 2009−2016
  • Беларусь кубогының жеңімпазы – 2010−2016

Команданың жалпы суреті

Цмоки-Минск