ВТБ Бірыңғай лигасы 2016/2017
УНИКС
Казань
ВТБ Бірыңғай Лигасы, Тұрақты біріншілік
13.04.2017, 22:00 Бс
Арена: Баскет Холл (Казань)
83:78
Негізгі уақыт
25:18 23:19 14:21 21:20
Ойын нөмірі: RS/145
Көрермен: 1372
Астана
Астана

«Астана» Қазанға аттанды

11.04.2017, 20:00    Просмотров: 447
Источник: Баспасөз қызметі
Автор: Альмира Шахаева
«Нижний Новгород» клубымен өткен матчтан кейін елорда командасы түздегі ойындарын жалғастырады. Осы ойын аяқталысымен, «Астана» тікелей Ресейдің ең спортты қаласына – Қазанға аттанды. Онда 13 сәуір күні жергілікті, ВТБ Бірыңғай лигасының өткен маусымдағы күміс жүлдегері «УНИКС» БК кездеседі.
 
Елорда баскетболшылары плей-оффта бақ сынау құқығына қол жеткізуге жақын. Әйтсе де, босаңсуға болмайды. Әрі қарсыласы – өте азулы команда. Евгений Пашутиннің командасы турнир кестесінің бесінші сатысында тұр. Еншілерінде – 14 жеңіс және 8 жеңіліс. «Астананың» қазандықтарды өз алаңында қабылдаған, маусым басында өткен ойыны қонақтардың жеңісімен аяқталған – 68:84.

«Астана» ПБК бас бапкері Илиас Папатеодору алдағы ойын дайындығы жайлы өз пікірін білдірді:
– Біз ВТБ Бірыңғай лигасының алғашқы бестігіндегі азулы командамен кездесеміз. Біз осы лиганың жұлдыздарына қарсы өтетін матчта деңгейі жоғары ойыншыларға төтеп беруге дайын болуымыз керек. Бізге плей-офф сатысына ілігуге сәл ғана қалды және біз бар күш-жігерімізді салып, соған тырысамыз!

Естеріңізге сала кетейік, бұл ойын бейсенбі күні, 13 сәуірде Қазанда өтеді. Сіздер матч трансляциясын Астана уақытымен 22:00-де онлайн режімінде ВТБ бірыңғай лигасы сайтынан және тікелей эфирде «KazSport» телеарнасынан көре аласыздар.

УНИКС «Астананың» плей-оффқа шығуын кейінге қалдырды

14.04.2017, 09:00    Просмотров: 519
Источник: ВТБ Бірыңғай лигасы
Автор:
Ресейдің УНИКС командасы өз алаңында қазақтың «Астанасынан» басым түсті – 83:78 (25:18, 23:19, 14:21, 21:20).

Плей-офф сатысына шығу үшін бар күш-жігерін салып, тырысып жүрген «Астана» УНИКС командасын ойының төртінші ширек бөлігіне дейін өкшеледі – матчтың аяқталуына 8 минут 32 секунд қалғанда, Родерик Одом допты торшеңберге дәл түсірген соң есеп қысқарып, қазандықтар үш ұпай айырмасымен ғана алда тұрды (66:63). Алайда дәл осы сәттен соң бәрі де өзгеріп сала берді. УНИКС бірден қарқынын үдетті: Лэтэвиус Уильямстің данкі, Кит Лэнгфордтың “үш ұпайлығы” және Коти Кларктің “екі ұпайлығы” мен айып соққылары қазандықтарды алға оздырды. Сары-көк түстілердің айбынды сұрмергені Иан Миллердің белсенділігіне Татарстан клубы Хоаким Коломның дәл соқыларымен жауап берді. Ресей клубы жеңісті уыстарынан шығарған жоқ. Бірақ «Астана» әлі сегізінші орында тұр, плей-оффқа ілігетін мүмкіндігі де мол. Ол үшін Қазақстан клубына келесі ойында «Химки» командасын жеңу керек немесе «Автодордың» сүрінгеніне үміттену қажет болады.

Ең көп ұпай жинағандар:

УНИКС: Кит Лэнгфорд (19), Хоаким Колом (18 + 6 пас), Лэтэвиус Уильямс (14 + 6 рет доп қақшып алды).

«Астана»: Иан Миллер (23 + 5 пас), Роберт Лоури (13), Леонидас Каселакис (8 + 9 рет доп қақшып алды).

УНИКС БК бас бапкері Евгений Пашутин:
- Чемпионаттың негізгі додасын жеңіспен аяқтадық. «Астана» қайтпайтын жанкешті команда, соңына дейін жанталасты. Біз ұпай айырмасын көп ұлғайта алмадық. Қонақтар тез шабуыл ұйымдастыруымызға мүмкіндік бермеді. Әйтсе де, матчтың соңғы бес минутында өрнекті ойын үлгісін көрсеттік, қайсарлық таныттық. Плей-офф додасын жеңіспен бастау маңызды. Ал онда батылырақ ойнау керек, «Астанамен» өткен соңғы бес минуттағыдай, сонда біз жеңеміз.
 
«Астана» ПБК бас бапкері Илиас Папатеодору:
- Біз ойын өте ауыр болатындығын білдік және УНИКС клубының осыдан үш күн бұрын, өз алаңында «Локомотивтен» ұтылып қалғандығын есімізден шығарған жоқпыз. Бірақ біздің командаларымыздың деңгейі – әр түрлі. Десек те, біз ойынның бірінші жартысында бүгінгідей нашар ойнамауымыз керек еді. УНИКС баскетбол ойнады, ал біз оларға аңтарылып қараумен болдық. Сондықтан алаң иелері ойынның бірінші жартысында 48 ұпай еншіледі. Үзіліс кезінде біз мұның бәрін ойыншылармен талқыладық. Нәтижесі жаман болған жоқ, үлкен үзілістен кейін біз қорғаныста батылырақ ойнай бастадық. Бірақ біз ойын ережесін көп бұздық, өйткені Кино Колом және Кит Лэнгфорд сынды ойыншыларға қарсы басқаша ойнау мүмкін емес. Әйткенмен, қарсыласымыз матчтың екінші жартысында 35 ұпай ғана еншіледі. Яғни, біз әжептәуір жақсы ойнадық, бірақ УНИКС секілді азулы команданы ұту үшін мұның өзі жеткіліксіз болып шықты. Қазан клубына плей-оффта сәттілік тілеймін.

«Астана» ВТБ Бірыңғай лигасы біріншілігіндегі келесі және соңғы ойынын өз алаңында өткізеді. 17 сәуір күні елорда командасы ВТБ Бірыңғай лигасы аясында Мәскеу облысының «Химки» клубын қабылдайды.

Қарсылас жайлы мәлімет

Құрылған жылы: 1991 Клубтық түстері: ақ, жасыл
Мемлекет: Ресей Арена: Баскет Холл
Қала: Казань Сайт: www.unics.ru

Сипаттамасы

УНИКС – Ресейдің ерлер арасындағы кәсіпқой баскетбол клубы, Қазан қаласынан, 1991 жылы құрылған.
 
Жетістіктері:
  • Ресей чемпионатының күміс жүлдегері − 2001, 2002, 2004, 2007, 2016, 2021
  • Ресей чемпионатының қола жүлдегері − 2000, 2003, 2005, 2009−2011, 2013/2014, 2018/2019, 2021/2022
  • Ресей кубогының жеңімпазы − 2003, 2009, 2014
  • FIBA Евролига чемпионы − 2003/2004
  • Еуропа кубогы жеңімпазы − 2010/2011
  • Еуропа кубогының финалына шыққан – 2013/14 
  • NEBL чемпионы − 2002/2003
  • ВТБ Бірыңғай лигасының күміс жүлдегері − 2009/2010, 2011/2012, 2015/2016, 2020/2021
  • ВТБ Бірыңғай лигасының қола жүлдегері − 2010/11, 2018/2019, 2021/2022

Команданың жалпы суреті

УНИКС