ВТБ Бірыңғай лигасы 2016/2017
ЦСКА (МСК)
Мәскеу
ВТБ Бірыңғай лигасы, Плей-офф 1/4 финалы
07.05.2017, 17:30 Жс
Арена: ӘСК ЦСКА (Мәскеу)
94:74
Негізгі уақыт
22:16 23:16 25:19 26:23
Ойын нөмірі: QF/8
Көрермен: 1200
Астана
Астана

ЦСКА жартылай финалға қарыс қадам қалды

07.05.2017, 22:00    Просмотров: 127
Источник: ВТБ Бірыңғай лигасы
Автор:
Ресейдің ЦСКА командасы плей-офф сатысының 1/4 финалындағы екінші матчта да, өз алаңында қазақтың «Астанасынан» басым түсті – 94:74 (22:16, 23:16, 25:19, 24:23).

Бірінші ойынмен салыстарғанда, бүгінгі ойында әскерилер клубы бірден алға озып кете алмады. Екінші 10-минуттықтың басында қонақтарды қайран қалдырған Михаил Кулагин болды: оның үш ұпайлық екі «бомбасы» және Кори Хиггинстің алыстан лақтырған добы – міне, осыдан кейін ғана алаң иелері алға ұзап шықты (31:20). Қызыл-көк жейделілер бір-бірімен деңгейлес ойыншыларының көптігінің арқасында ойынның үшінші бөлігінде де басымдық танытты. Негізінен Нандо Де Коло, Аарон Джексон және Никита Курбанов көзге ерекше түсіп, ұпай айырмасы «+19» болды. Матчтың соңғы ширек бөлігінде қонақтар қарқындарын үдетті, бірақ бұл жолы олардың аптықтарын ағайынды Кулагиндердің үлкені басты – Дмитрий команда қоржынына бес ұпай салды. Енді екеуара дода Астанада жалғасады. Есеп – 2:0. Алда – ЦСКА.   
 
Ең көп ұпай жинағандар:
ЦСКА: Нандо Де Коло (15), Аарон Джексон (11)
«Астана»: Роберт Лоури (19+6 пас), Усман Крубалли (12), Иан Миллер (12), Леонидас Каселакис (10)
 
ЦСКА бас бапкері Димитрис Итудис:
— Команданы жеңісімен құттықтаймын. Бірінші ойынмен салыстарғанда, біз бүгін көптеген компоненттер бойынша асып түстік. Әрі 2-0 есебімен алға шықтық және «Астанамен» қонақта ойнауға дайындаламыз. Ал қарсыласымыз өз алаңында оңайшылықпен беріспейді.
 
«Астана» ПБК бас бапкері Илиас Папатеодору:
— Бізге ЦСКА секілді азулы командамен 48 сағаттың ішінде екі ойын өткізу – өте қиын. Біздің деңгейі жоғары ойыншыларымыз көп емес. Шабуылда ширақ қимылдауға, допты еркін лақтыруға мүмкіндік туғызуға тырыстық. Бірақ ЦСКА-дан қалыспай, жоғары қарқында ойнау өте қиын болды. Қарсыласымыз күмәнсіз жеңді. Енді біздің үйдегі ойынға дайындалуға үш күніміз бар. Оның екеуара кездесудегі соңғы матч болуы да мүмкін.
 
«Астана» ВТБ Бірыңғай лигасының 1/4 финалы аясындағы келесі және үшінші ойынын өз алаңында өткізеді. Елорда командасы 10 мамыр күні Мәскеудің әсерилер клубын қабылдайды.

Қарсылас жайлы мәлімет

Құлылған жылы: 1923 Клубтық түстері: қызыл, көк
Мемлекет: Ресей Арена: ӘСК ЦСКА
Қала: Мәскеу Сайт: www.cskabasket.com

Сипаттамасы

ЦСКА – Ресейдің ерлер арасындағы баскетбол клубы, Мәскеу қаласынан.

Жетістіктері:
  • КСРО чемпионы − 1945, 1960-1962, 1964-1966, 1969-1974, 1976-1984, 1988, 1990
  • Ресей чемпионы – 1992-2000, 2003-2015
  • КСРО кубогының жеңімпазы − 1972, 1973, 1982
  • Ресей кубогының жеңімпазы – 2005-2007
  • Еуропа чемпиондары кубогының жеңімпазы − 1960/1961, 1962/1963, 1968/1969, 1970/1971
  • Еуролига чемпионы − 2005/06, 2007/08, 2015/16 
  • NEBL чемпионы − 1999/2000. 
  • ВТБ Бірыңғай лигасының чемпионы − 2009/2010, 2011/2012, 2012/2013, 2013/2014, 2014/2015, 2015/2016, 2016/2017
  • ВТБ Бірыңғай лигасының күміс жүлдегері − 2010/2011

Команданың жалпы суреті

ЦСКА (МСК)