ВТБ Бірыңғай лигасы 2016/2017
ЦСКА (МСК)
Мәскеу
ВТБ Бірыңғай лигасы, Плей-офф 1/4 финалы
05.05.2017, 22:00 Жм
Арена: ӘСК ЦСКА (Мәскеу)
77:54
Негізгі уақыт
29:9 18:14 15:17 15:14
Ойын нөмірі: QF/4
Көрермен: 1450
Астана
Астана

Чемпион плей-оффты жеңіспен бастады

06.05.2017, 09:00    Просмотров: 124
Источник: ВТБ Бірыңғай лигасы
Автор:
Ресейдің ЦСКА командасы плей-офф сатысындағы, яғни 1/4 финалындағы бірінші матчты өз алаңында өткізіп, қазақтың «Астанасынан» басым түсті – 77:54 (29:9, 18:14, 15:17, 15:14).

Ойын тағыдыры негізінен алғашқы 10-минуттықта шешілді деуге де болады: әсерилер клубы қонақтарын қыспаққа алып, «Астана» баскетболшыларын әбден састырды – қазақстандықтар дәміл-дәміл доптан айырылып қала берді. Оның үстіне, қонақтар Аарон Джексон мен Нандо Де Колоға ие бола алмай қалды. Екеуі қайта-қайта торшеңберді дәл көздеумен болды. Сөйтіп, ойынның екінші ширек бөлігінің басында қызыл-көк жейделілер «+20» ұпай айырмасымен алда тұрды. Бұдан кейін «Астана» терезесі тең деңгейде өнер көрсете бастағанымен, есепті қысқарта алмай-ақ қойды. Бірінші ойын алаң иелерінің жеңісімен аяқталды.

Ең көп ұпай жинағандар:

ЦСКА: Виталий Фридзон (18), Нандо Де Коло (13 + 5 пас), Кори Хиггинс (11), Аарон Джексон (10)

«Астана»: Усман Крубалли (15 +10 рет доп қақшып алды), Димитриос Катсивелис (14 + 6 рет доп қақшып алды + 5 пас)

ЦСКА бас бапкері Димитрис Итудис:
— Команданы жеңісімен және жалпы есепте 1-0 есебімен алға шыққанымен құттықтаймын. Біз жоғары қарқында ойнадық, әсіресе – қорғаныста. Қарсыласымызды қателесуге мәжбүрледік. Алайда, лақтырған добымыздың бәрін де дөп түсіре алмадық, бұл жағынан жұмыс жасауымыз керек. Сонымен қатар, Никитаны жеке жетістігімен құттықтағым келеді. Ол оған лайық, әрі ол – қорғаныстағы ең үздік ойыншылардың бірі. Оның біздің командада ойыншы ретінде жетіле түскеніне және үздік шығуымызға көмектесткеніне қуаныштымын.

«Астана» ПБК бас бапкері Илиас Папатеодору:
— Ойынның бірінші бөлігінде біз доптан айырылып қала бердік, өте көп – 15. Әрине, ЦСКА өзінің деңгейін паш етіп, мұны пайдалана білді. Осының салдарынан, біз қарсыласымызбен тайталаса алмадық. Жексенбі күні бүгінгіден тәуір ойын өрнегін көрсететінімізге сенімдімін.

«Астана» келесі ойынын да Мәскеуде өткізеді. 7 мамыр күні ВТБ Бірыңғай лигасының 1/4 финалы аясында Ресей баскетбол клубы ЦСКА командасымен кездеседі.

Қарсылас жайлы мәлімет

Құлылған жылы: 1923 Клубтық түстері: қызыл, көк
Мемлекет: Ресей Арена: ӘСК ЦСКА
Қала: Мәскеу Сайт: www.cskabasket.com

Сипаттамасы

ЦСКА – Ресейдің ерлер арасындағы баскетбол клубы, Мәскеу қаласынан.

Жетістіктері:
  • КСРО чемпионы − 1945, 1960-1962, 1964-1966, 1969-1974, 1976-1984, 1988, 1990
  • Ресей чемпионы – 1992-2000, 2003-2015
  • КСРО кубогының жеңімпазы − 1972, 1973, 1982
  • Ресей кубогының жеңімпазы – 2005-2007
  • Еуропа чемпиондары кубогының жеңімпазы − 1960/1961, 1962/1963, 1968/1969, 1970/1971
  • Еуролига чемпионы − 2005/06, 2007/08, 2015/16 
  • NEBL чемпионы − 1999/2000. 
  • ВТБ Бірыңғай лигасының чемпионы − 2009/2010, 2011/2012, 2012/2013, 2013/2014, 2014/2015, 2015/2016, 2016/2017
  • ВТБ Бірыңғай лигасының күміс жүлдегері − 2010/2011

Команданың жалпы суреті

ЦСКА (МСК)