ХХV Қазақстан чемпионатының ерлер арасындағы Ұлттық лигасы
Астана
Астана
Ұлттық лига, 4-і Финалы Финал
23.04.2017, 17:00 Жс
Арена: Велотрек «Сары-Арқа» (Астана)
94:78
Негізгі уақыт
20:18 27:17 22:21 25:22
Ойын нөмірі: ПО-04
Көрермен: 0
Атырау Барыстары
Атырау

«Астана» – 2016/2017 маусымдағы Қазақстан чемпионы

23.04.2017, 21:00    Просмотров: 57
Источник: Баспасөз қызметі
Автор: Альмира Шахаева
Екі күн бойы «Сарыарқа» республикалық велотрегінде еліміздің ең үздік клубы атағы сарапқа салынды.
 
Бұл додада «Астана» баскетбол клубының мерейі үстем болып, баскетболдан Қазақстан чемпионы атағын жеңіп алды. Финалдық ойында «Атырау Барыстары» командасымен кездесіп, елорда алыптары 94:78 есебімен басым түсті.
 
Матчтың ең үздік ойыншысы Роберт Лаури болды, ол команда қоржынына 25 ұпай салды. Дмитрий Гаврилов – 18 ұпай, Йан Миллер – 17 ұпай және Максим Марчук – 13 ұпай.
 
Екінші орынды «Атырау Барыстары» иеленіп, қола жүлде Ақтаудың «Каспий» клубына бұйырды.
 
Ел чемпионаты аяқталған бетте, қалыптасқан дәстүр бойынша Қазақстан чемпионатының ең үздік бес ойыншысы анықталды:
  • Үздік қорғаушы – Парк Тревин (Атырау Барыстары)
  • Үздік шабуылдаушы қорғаушы – Азим Ягодник (Каспий, Ақтау)
  • Үздік жеңіл шабуылшы – Рустам Ерғали (Астана)
  • Үздік ауыр шабуылшы – Антон Пономарев (Астана)
  • Үздік орталық ойыншы – Михаил Евстигнеев (Атырау Барыстары)

Айта кетуге тиіспіз, биылғы ел чемпионаты «Қазақстан баскетболының 90 жылдығы» айдарымен өтті. Осыған байланысты, Ұлттық баскетбол федерациясының бұйрығымен «Мерейтойлық медаль» бекітілген болатын. Ол біздің елде баскетболды дамытуға сүбелі үлес қосқан спорт қайраткерлері мен тұлғаларға табысталуы керек болатын.
 
Осындай бірінші медаль «Астана» ПБК бас менеджері, Олимпиада чемпионы Валерий Алексеевич Тихоненкоға табыс етілді. Өз кезегімізде біз оны осындай сый-құрметке қол жеткізуімен құттықтаймыз.

Биылғы маусымның қорытындысын шығара отырып, осы жыл «Астана» үшін аса табысты болды деуге болады. Команда мен бапкерлер алдына қойылған мақсаттардың бәрі де орындалды. Команда 2017 жылғы Қазақстан кубогының иегері атанды, ҚР чемпионатының алтын медалын жеңіп алды, сонымен қатар ВТБ Бірыңғай лигасында плей-офф сатысына шықты.

«Астана» ПБК бас жаттықтырушысы Илиас Папатеодору ел чемпионатын қорытындылап шықты:
- Бұл оңай ойын болған жоқ, жалпы біз чемпиондық атаққа лайық өнер көрсеттік деп ойлаймын. Өрнекті ойын үлгісін көрсетіп, чемпионат бойы басымдық таныттық. Мен бірінші кезекте, өз ойыншыларымды құттықтаймын, өйткені олар өздерінің жұмыстарын, міндеттерін өте жақсы орындап шықты. Біз чемпионатты өте жақсы аяқтадық, алдымызға қойылған мақсаттардың бәрін жүзеге асырдық. Біз енді бір-екі күн дем аламыз, жеңісімізді атап өтеміз, содан кейін ЦСКА баскетболшыларымен өтетін плей-офф додасына дайындаламыз.
 
Жігіттерімізге жеңіс пен табыс тілейміз және ҚР Ұлттық лигасында чемпион атануларымен тағы да құттықтаймыз!

Қарсылас жайлы мәлімет

Құлылған жылы: 2005 Клубтық түстері: ақ, жасыл
Мемлекет: Қазақстан Арена: АМУ Х. Досмұхамедов атындағы
Қала: Атырау Сайт: www.bcbarsy.kz

Сипаттамасы

«Атырау Барыстары» – Қазақстанның ерлер арасындағы кәсіпқой баскетбол клубы, Атырау қаласынан.

2003 жылы Атырау жерінде тұңғыш рет баскетбол командасы құрылды – «Атырау Барыстары». Бұған 2001 жылы Атырау облыстық баскетбол федерациясының құрылуы ұйытқы болды. Сондай-ақ «Жас Қанат» балалар командасы құрылып, өздерінің жас шамасындағы ел чемпионаттарында табысты өнер көрсете бастады. 2003 жылы Атырау облыстық баскетбол федерациясы мен Атырау облыстық Туризм және спорт басқармасының және Орск баскетбол федерациясының күш-жігерлерімен «Атырау Барыстары» командасы құрылды.

Команда құру бастамашылары болғандар: Нариман Байбосынов – Атырау облыстық баскетбол федерациясының президенті, Саламат Төлеуов – Атырау облыстық баскетбол федерациясының вице-президенті, Болат Мұхамбетқалиев – Атырау облыстық баскетбол федерациясының вице-президенті, Қазбек Иманғали – Атырау облыстық Туризм және спорт басқармасының басшысы, Анатолий Хан – Атырау облыстық Туризм және спорт басқармасы басшысының орынбасары, Амантай Тұрғаев – жаттықтырушы, Леонид Новиков – кеңесші жаттықтырушы (Орск қаласы, Ресей).

2007/2008 жылдар маусымында Қазақстан Республикасының еңбек сіңірген жаттықтырушысы Анатолий Григорьевич Кимнің жетекшілік етуімен әйелдер арасындағы «Атырау Барыстары» командасы құрылды.

2009 жылы клуб өзінің алғашқы ерен жетістігіне қол жеткізіп, Қазақстан кубогын жеңіп алды.

2010/2011 жылдар маусымында «Барыстар» Қазақстан чемпионы атанды, финалда Қостанайдың «Тобылын» тізе бүктірді.

2010 жылы «Барыстар» Балтық баскетбол лигасында додаға түсіп, Орталық Азиядан осы лигаға қатысқан ең бірінші команда болды.
2010/2011 және 2011/2012 жылдар маусымында атыраулықтар ББЛ ауыспалы кубогының екінші дивизионында ойнады. Дивизиондар жойылған соң, 2012/2013 жылдар маусымында команда 1/16 финалына дейін жетті. 2013/2014 және 2015/2016 жылдар маусымында клуб плей-оффқа шықты, бірақ алғашқы сатысында жеңіліп қалды.
  
2015/2016 жылдар маусымында «Барыстар» Қазақстанның екі дүркін чемпионы атанды, финалда «Астана» клубынан басым түсті.

Жетістіктері:
  • Қазақстан чемпионы: 2010/2011, 2015/2016
  • Қазақстан чемпионатының күміс жүлдегері: 2011/2012, 2012/2013, 2013/2014
  • Жоғары лига жеңімпазы: 2014/2015
  • Қазақстан кубогының иегері: 2009
  • Қазақстан кубогының финалына шықты: 2010, 2011, 2012

Команданың жалпы суреті

Атырау Барыстары