ВТБ Бірыңғай лигасы 2016/2017
Минск
Минск
ВТБ Бірыңғай Лигасы, Тұрақты біріншілік
19.02.2017, 20:30 Жс
Арена: Falcon Club (Минск)
70:80
Негізгі уақыт
15:23 19:21 14:13 22:23
Ойын нөмірі: RS/106
Көрермен: 1610
Астана
Астана

«Астана» түздегі сапарын жалғастырады – келесі аялдама Минск

18.02.2017, 13:00    Просмотров: 1254
Источник: Баспасөз қызметі
Автор: Альмира Шахаева
Краснодардағы ойыннан кейін, елорда баскетболшылары Беларусь еліне ұшып кетті. Онда 19 ақпан күні ВТБ Бірыңғай лигасы аясында жергілікті «Цмоки-Минск» командасымен кездеседі.

Астаналықтарға Краснодардан бірден ұшып кетудің сәті түспей, ауа-райының қолайсыздығынан Минск рейсі 8 сағат кешіктірілді. Әйтсе де, мұндай қиындықтарға қарамастан, «Астана» Беларусь бас қаласына аман-есен жетті.

Алдағы кездесу екі команда үшін де – өте маңызды. Әсіресе, біздің команда үшін – екі есе жауапты ойын, ең маңызды матчтардың бірі. «Астана» биылғы маусымда Минск «аждаһаларымен» кездескен, әрі өз алаңында өткен матчта 84:67 есебімен басымдық танытқан. Минск командасының өз алаңында жақсы ойнайтыны және есе қайтаруға тырысатындығы жасырын емес. Яғни біздің жігіттерге оңай болмайды.
  
Сіздер матч трансляциясын жексенбі күні, 19 ақпанда, Астана уақытымен 20:30-да «Қазспорт» телеарнасынан, сондай-ақ ВТБ Бірыңғай лигасы сайтынан тікелей эфирде көре аласыздар.

Минскіде «Астананың» мерейі үстем

20.02.2017, 10:30    Просмотров: 1104
Источник: ВТБ Бірыңғай лигасы
Автор:
Қазақстанның «Астанасы» бес ойынға созылған жеңілістерінің тамырына балта шауып, түзде Беларусь елінің «Цмоки-Минск» клубын тізе бүктірді – 80:70 (23:15, 21:19, 13:14, 23:22).

«Астана» ойынның бірінші жартысында берік қорғанысы мен Усман Крубалли және Иана Миллер сынды үздік ойыншыларының арқасында 10 ұпай айырмашылығымен алға озды (44:34). Қазақстандықтар ұзақ уақыт бойы осы басымдықты ұстап тұрды, бірақ матчтың төртінші ширек бөлігі басталған соң, үш жарым минуттың ішінде «Цмоки» қарсыластарына екі-ақ ұпай алуға мүмкіндік бергенде, көрермендер қиқуға басты (55:60). Минск баскетболшыларының бұл қарқынын сары-көк жейделілердің грекиялық легионерлері тежеді. Леонидас Каселакис оймақторды алыстан дөп көздеп, серіктерін жігерлендіре түссе, іле-шала оның отандасы Димитриос Катсивелис үш секундтық аймаққа, Круаллиге тамаша пас шығарып берді. Шабулшы мүлт кеткен жоқ. «Астана» белорустардың келесі шабуылын тойтарып, доппен алға ұмтылған америкалық ойыншы шабуылда допты қақшып алып, айып соққысын ұру мүмкіндігіне ие болды және тағы екі ұпай еншіледі – 70:59. Ойынның аяқталуына үш минуттан да аз уақыт қалған. Қазақстандықтар «Аждаһалардың» соңғы минуттардағы дүлей шабуылдарына төтеп беріп, бес ойынға созылған жеңілістеріне нүкте қойды.

Ең көп ұпай жинағандар:

«Цмоки-Минск»: Антонио Грейвс (18), Джордже Гагич (17 + 9 рет доп қақшып алды), Дрю Джойс (7 + 5 д.қ.а + 8 пас).

«Астана»: Усмана Крубалли (23 + 10 рет доп қақшып алды), Иан Миллер (16 + 5 пас), Леонидас Каселакис (16).

«Цмоки-Минск» БК бас бапкері Игорь Грищук: 
- «Астана» қорғаныста өте сауатты ойнайды. Біз бастапқы 10 минутта “мүлгіп” жүрдік, мен жеңілісіміздің басты себебі осы деп ойлаймын.

«Астана» БК бас бапкері Илиас Папатеодору: 
- Бұл өте күрделі ойын болды. Өйткені «Цмоки» – қарымды команда. Батылырақ ойнап, ширақ қимылдауға тырыстық. Әрі мұнымыз нәтиже берді деп ойлаймын. Ойынды бастан-аяқ қадағалап, жіті қимылдап отырдық.

«Астана» келесі ойынын да түзде өткізеді. Елорда командасы Саратовқа сапар шегіп, 25 ақпан күні ВТБ Бірыңғай лигасы аясында «Автодор» баскетбол клубымен кездеседі.

Қарсылас жайлы мәлімет

Құрылған жылы: 2006 Клубтық түстері: ақ, көк
Мемлекет: Белоруссия Арена: Falcon Club
Қала: Минск Сайт: www.bc-tsmoki.by

Сипаттамасы

«Цмоки-Минск» – беларустің ерлер арасындағы кәсіпқой баскетбол клубы, Минск қаласынан, 2006 жылы құрылған.

Жетістіктері:
  • Беларусь чемпионы – 2009/2021
  • Беларусь кубогының жеңімпазы – 2010/2021
  • Азовмаш Кубогының қола жүлдегері – 2010

Команданың жалпы суреті

Минск